Юрт келажаги – ёшлар қўлида

         Мамлакатимизда ёшлар келажагимиз ворислари, миллатимиз давомчилари сифатида эъзозланади. Бугун яна шундай янгича фикрлайдиган ўз келажагини юртимиз келажаги билан боғлиқ ҳолда кўрадиган янги авлод вакиллари ҳаётга дадил кириб келмоқда. Хорижий тилларда бемалол сухбат кўра оладиган, замонавий техника ва технологияларни пухта ўзлаштирган, эл-юрт хизматига камарбаста йишит қизларни кўриб қалбингизда ишонч, ғурур ифтихор туйғулари жўш уриши тайин. Ўсиб келаётган ёш авлод тарбияси, унинг маънавий камолоти тўғрисида ғамхўрлик ҳар қандай давлатнинг, ҳар бир миллатнинг келажагини белгилайди.

       Президентимиз раҳнамолигида навқирон авлоднинг ҳар томонлама баркамол улғайиши, замонавий билим ва касб ҳунарларни пухта эгаллашлари, истеъдод ва салоҳиятини тўла намоён этиши учун барча шарт-шароитлар  яратиб берилмоқда. Ўзбекистон Республикасининг “Ёшларга оид давлат сиёсати тўғрсида”ги қонуни ҳам бу борада муҳим дастуруламал бўлиб хизмат қилмоқда. Бундай беқиёс имкониятлардан оқилона фойдаланаётган кўплаб йигит-қизлар ўзларининг тадбиркорлик фаолиятини йўлга қўйиб, катта муваффаққиятларга эришмоқдалар. Ўз салоҳияти, иқтидори билан ҳисса қўшмоқдалар.

     Хулоса ўрнида айтадиган бўлсак, фарзандлар келажагимиз эгаларидир. Эртанги кунимизнинг қандай бўлиши уларнинг бугунги таълим тарбияси билан чамбарчарс боғлиқ.  

 С. Эшқурбанова