Termiz shahridagi Yoshlar markazi binosida “Rahbar va yoshlar uchrashuvi” bo‘lib o‘tdi. Unda bir qator yoshlar hamda ota-onalar ishtirok etdi.

Tadbir davomida so‘zga chiqqanlar bugungi kunda Mudofaa vazirligi tasarrufidagi harbiy qismlarda harbiy xizmatchilar uchun yaratilgan shart-sharoitlar, shuningdek muddatli harbiy xizmatni o‘tash uchun borgan askarlarga davlatimiz rahbari tomonidan yaratilayotgan keng imkoniyatlar haqida batafsil ma’lumot berdi.

Shuningdek, tadbir davomida bir qator yoshlar sport musobaqalari hamda fan olimpiadalarida yuqori natijalarni qo‘lga kiritgani uchun tantanali ravishda taqdirlandi. G‘oliblarga faxriy yorliq va esdalik sovg‘alari topshirilib, ularning kelgusidagi faoliyatlariga omad tilandi.

Shundan so‘ng harbiy orkestr tomonidan Vatanni madh etuvchi kuy-qo‘shiqlar ijro etilib, tadbirga ko‘tarinki ruh bag‘ishlandi. Faxriy qorovul jamoasi esa saf chiqishlari va ko‘rgazmali chiqishlari bilan yig‘ilganlarda katta taassurot qoldirdi.

Tadbir yakunida ishtirokchilar uchun "Oʻzbek Arsloni" filmi namoyish etildi. Mazkur film O‘zbekiston Respublikasi Madaniyat vazirligi huzuridagi Kinematografiya agentligi buyurtmasiga muvofiq, Oʻzbekfilm kinokonserni hamda Cinema of Central Asia studiyasi hamkorligida suratga olingan.
Ikkinchi jahon urushi voqealari fonida yaratilgan ushbu film oddiy qishloq yigiti — Mamadali Topivoldiyevning mashaqqatli va jasoratga boy hayot yo‘lini hikoya qiladi. U frontdagi og‘ir janglarda mislsiz matonat ko‘rsatib, dushman ortidagi xavfli operatsiyalarda ishtirok etadi. Og‘ir yaralanganiga qaramay, iroda va do‘stlik tufayli omon qoladi hamda partizanlar safida “Kazbek” laqabi bilan afsonaga aylanadi.
Filmda jang maydonidagi qahramonlik bilan bir qatorda insoniylik, sadoqat va mehr-oqibat tuyg‘ulari ham chuqur yoritilgan. Urushdan keyin esa Mamadali tinchlikning haqiqiy qadriga yetib, qishlog‘ini tiklash, odamlar qalbiga umid ulashish yo‘lida fidokorona mehnat qiladi.
“O‘zbek Arsloni” — bu jasorat, vatanparvarlik va insoniylikni ulug‘lovchi, xotira va ehtirom ruhini o‘zida mujassam etgan tarixiy drama hisoblanadi.

 Ўзбекистонда 598 та ноқонуний қурол аниқланди

Президент Администрацияси ҳузуридаги Наркотиклар ва ўқотар қуролларни назорат қилиш агентлиги мувофиқлаштирувида ҳуқуқ-тартибот органлари орасида йўлга қўйилган идоралараро мустаҳкам ҳамкорлик соҳадаги қонунбузарликларни олдини олиш, аниқлаш ва тезкорлик билан бартараф этишда ўз самарасини бермоқда.

Хусусан, жорий йилнинг бошидан буён ҳуқуқ-тартибот органлари ҳамкорликда ўтказган тезкор тадбирлар натижасида 7,5 мингдан зиёд қурол муомаласига доир қонунчилик бузилиши ҳолатлари аниқланган бўлиб, 598 та ноқонуний қурол ва 3.2 мингга яқин ўқ-дорилар олиб қўйилган.

Ушбу ҳолатлар бўйича 264 та жиноий иши қўзғатилган, ҳудудлар кесимида таҳлил қилинганда, энг кўп ҳолатлар Қорақалпоғистон Республикасида — 44 та, Фарғона вилоятида — 39 та қайд этилган. Энг ками Жиззах ҳамда Хоразм вилоятларига - 5 тадан тўғри келади.

Ҳозирги кунда Ўзбекистонда 48 мингдан ортиқ фуқаро ов қуролини сақлаш ва ишлатишга рухсатномага эга. Уларнинг овчилик фаолияти ҳам доимий давлат органлари назоратида.  

Жумладан, мунтазам равишда браконьерликка қарши курашиш рейдлари ўтказилиб келинади. Жорий йилнинг ўтган даврида 2 мингга яқин рейди тадбирлари ташкил этилиб, 575 та қонун бузилиши ҳолатлари аниқланган. Бевосита хайвонот дунёси объектларини ноқонуний овлаганлик бўйича 55 та ҳолат аниқланган. Энг кўп ҳолатлар Қашқадарё ва Хоразм вилоятларига тўғри келади – 12 тадан. Браконьерлик фаолияти туфайли табиатга жами 4.3 млрд сўм зарар келтирилган, уларнинг деярли тенг ярми Қашқадарё ва Тошкент вилоятларига тўғри келади.

Ўтказилган кенг кўламли тарғибот-ташвиқот ишлари натижасида фуқаролар томонидан ихтиёрий равишда 433 қурол ва 3 мингдан зиёд ўқ-дорилар топширилган. Бу эса, ўз навбатида, аҳолининг ҳуқуқий онги ва масъулияти ошиб бораётганидан далолат беради.

Ушбу кўрсаткичлар мамлакатимизда қуроллар муомаласи устидан давлат назоратини кучайтириш, жамоат хавфсизлигини таъминлаш ҳамда ноқонуний айланмани бартараф этиш борасида олиб борилаётган ишларнинг изчил ва самарали эканини яна бир бор тасдиқлайди.

 

 

Ichki turizm imkoniyatlari aholimiz uchun

Yildan yilga yurtimizda ichki turizm imkoniyatlari kengayib bormoqda. Bu orqali aholimiz dam olish kunlari va bayramlarda oila a’zolari bilan turizm obyektlariga sayohatga borishida yanada qulaylik yaratdi.