ТИНЧЛИК БЕБАХО НЕЪМАТ

Бугунги шиддат билан ўзгариб бораётган замонда, халқимизнинг маънавий қадриятлари, маданияти ва урф-одатларига мутлақо зид бўлган, ёт ва бузғунчи ғояларни жамиятимиз ҳаётига турли йиллар билан сингдиришга қаратилган уринишлар кучайган.

Айниқса ёш авлоднинг қалби ва онгини эгаллаш учун кескин кураш кетаётган бир шароитда, ҳарбий хизматчилар ва ҳарбий хизматгача бўлган ёшдаги фарзандларимизни тарбиялаш ва уларнинг маънавий руҳий тайёргарлигини ошириш борасидаги ишлар самарадорлигини янада кучайтириш муҳим вазифалардан биридир. Эндиликда мазкур масала юзасидан таълим масалалари, ҳарбий ва меҳнат жамоаларида, маҳаллаларда ёшларимиз қалбида Ватанга юксак муҳаббат. Қуролли Кучларимиздан ғурурланиш ва ҳарбий хизматга чуқур ҳурмат туйғуларини камол топтириш мақсадида ҳарбий ватанпарварлик йўналишидаги бўлиб ўтаётган тадбирлар ўз самарасинибераяпти. Шунингдек миллий армиямизнинг замонавий қурол-аслаҳа ва техника билан таъминланиши, унинг жанговар таркиби ва тузилишидаги ўзгаришлар шулар жумласидандир. Бундай ишлардан кўзланган асосий мақсад мустақил Ўзбекистонимизнинг тинчлигини асраб авайлаш, халқимизнинг фаровонлигини таъминлашдан иборат.