Жаҳолатга қарши маърифат билан курашмоқ керак

            Аксарият ёшларнинг турли оқимларга кириб қолиш сабаблари таҳлил қилинганда, уларнинг дунёқараши торлиги, диний илмларни эгаллашга бўлган қизиқиши ҳамда ишонувчанлиги, бирданига ва ҳамма нарсага эга бўлишдек истак ва хохиш натижасида юзага келиши исботланган.

Экстремизмни пайдо бўлиши ва ривожланишига сабаб бўлган омиллар ичида мафкуравий бўшлиқнинг таъсири каттадир. Мафкуравий бўшлиқ кишиларда жамиятдаги мавжуд ҳолатни, ижтимоий воқеликни нотўғри идрок этишга, уларнинг онггини агрессивликни шакллантиришга хизмат қиладиган носоғлом ғоялар билан тўлдиришга замин яратади.

      Ҳозирги вақтда, дунёнинг геосиёсий, иқтисодий ва ижтимоий, ахборот-коммуникация манзарасида рўй бераётган, турли мафкуралар тортишуви кескин тус олаётган вазиятда, фикрга қарши фикр, ғояга қарши ғоя, жаҳолатга қарши маърифат билан курашиш ҳар қачонгидан кўра муҳим аҳамият касб этмоқда.

Маърифат инсоннинг билим тафаккури. Жаҳолат эса билмаслик маъносини англатади. Бугун жаҳолат ўзининг турли кўринишларини намоён қилмоқда. Шулардан бири дин ниқоби остидаги диний билимсизликдир. Диний саводи паст бўлган кишилар ўзларининг ислом динининг жонкуярлари қилиб кўрсатувчи, аслида эса ҳокимиятни эгаллашни мақсад қилиб қўйган турли оқим вакилларининг қуруқ ваъдаларига алданиб қолмоқдалар. Шундай экан, жаҳолат аталмиш жирканч иллат оғир оқибатларни келтириб чиқармаслиги учун, одамлар онгги ва қалбида маърифатнинг мутлоқ устувор бўлишига эришиш, кишилар тафаккурини бойитиш, уларда соғлом ва собит эътиқодни шакллантириш учун кураш ва амалий ишларнинг ҳозир жавоблигини таъминлаш, таъсирчанлигини ошириш долзарб вазифалардан биридир.

Диний ақидапарастлик ва бошқа ёд мафкуралар энг аввало айрим ёшларнинг ғоявий-сиёсий тажрибасизлигига таянган ҳолда фаолият олиб бормоқда. Ёт мафкура ва бузғунчи таъсирларга қарши кураш мафкуравий тарбияда лоқайдлик, бефарқлик кайфиятининг ҳар қандай кўринишларига муросасизликни тақозо қилади. Юқоридаги каби салбий ғояларга қарши тарғибот самарадорлигинининг зарур тамойилларидан бири унинг тезкорлигидир. Унда муайян минтақавий шароитларни, кишиларнинг ёш хусусиятларини, мафкуравий имкониятларини ҳисобга олиш кўзда тутилади. Бунинг учун эса ҳар бир фуқаро мамлакат ичкарисида ва ташқарисида содир бўлаётган воқеаларни мустақил таҳлил қила олиши лозимдир.