Hayot

Inson hayoti davomida turli sinovlarni boshidan o’tkazadi qaysilarigadir sabr toqat ila chidaydi yana qaysi birigadir taslim bo’ladi. Xom sut emgan bandamizda ollox bergan buyuk tuyg’u tiriklikning qadriga yetmaymiz. Hayotimizga tashvish oralab bo’y ko’rsatgandan so’ngina yaratgan egamga iltijolar qilamiz.

Bu noshukrlik degan do’stimiz bizning qarindoshimizga aylanib qolgan. Yon atrofga nazar tashlasak har bitta tirik jonning dardi bor. Kimdir sevgi yo’lida adashgan, yana kimdir turmushidan noliydi, kimlardir ota-onasining qadriga yetmagan, ba’zilarning esa ko’zidan yosh emas qon oqayotganini ko’ramiz, mehribonli uylarida onajon deya zorlanayotgan mungli ko’z yoshlar guvohi bo’lamiz. Ba’zilar esa o’sha beg’ubor farishta timsolida gavdalangan bolaga zor. Xullas bu achchiq hayot deya boshimizga bir urib ko’nglimizga mushtlagancha dunyoni ayblab ketamiz. Aslida bu hayot sahna unda yashayotgan insonlar esa oddiy aktyorlar ekan, faqatgina o’ynayotgan rolimizning salbiy yohud ijobiy bo’lishi hayotda qanday yashamog’imizga bog’liqdir. Atrofimizdagilar hayotidan ibrat olib yashasak nolish degan honish biz barpo etgan shu kichik dunyomizni tark etadi. Odamzot azaldan shunday yaralgan baxt kelsa suyinib, dard kelganda hayotni tarki dunyo etishga ollox bergan buyuk ne’mat tiriklikdan vos kechishga ham tayyor turamiz. Baxtga qanday kulib omadga iliq munosabatda bo’lganimizdek g’am kelganda ham sabr bilan og’a-ini tutinib shodon qarshilasak ular bizning hayotimizga mezbon bo’lib emas bir ikki kunlik balki soniyalik mexmon bo’lib ketarlar. Inson qiyinchilik girdobida qolganda yonidagi do’stlariga suyanadi, shunday do’stlar bo’ladiki sening hayotingda sen bilan, g’amlaring bilan yashay oladigan. Yana shunday toifadagi do’stlar borki faqat baxting kulganida oldingda soxta niqob taqib turadigan. Hayotning sinovlari vaqt degan odil hakam o’zi ajratar ekan do’sting kimu dushmaning kim. Do’stlarni o’zimiz tanlaymiz ammo vaqt faqat haqiqiy do’stlarinigina yoningda qoldiradi. Seni oldingda balki ikkita balkim bitta do’sting qolar o’shanda xafa bo’lmay shodlan negaki sen chin do’stingni topgan uni anglagan bo’lasan. Taqdirdan nolimayman bergan sinovlaringa shukr ollohim xaqiqiy do’stlarimni umrini uzun iqbolini barqaroq qilgin.

Zarina Amonturdiyeva