SAN’AT   ichidagi harakat

San’at insonni go’zallika yetaklovchi bir yo’lchi yulduz xisoblanadi. Ba’zi bir insonlar san’atsiz hayotini tasavvur eta olmaydi. Har sohaning o’ziga yarasha mashaqqati bo’lgani kabi san’atning raqs yo’nalishida mehnat qilayotgan faoliyat olib borayotgan raqqos va raqqosalarimiz harakatlariga tasanno aytmasdan ilojimiz yo’q.

 Negaki davlatimiz ona diyorimizda qanday bazm tantanalar nishonlanilsa bularning barchasi bu soxaning mexnatkashlarisiz o’tkazilmaydi. Zero, qanday kuy-qo’shiq bo’lmasin taronaning ohanglariga jozibakor hatti-harakatlar jilvakor qarashlar bilan tovusdek tovlanib qo’shiqning har bir so’zi har bir kuyi ohangning har bitta ritmiga mos va hos tarzda sahnaning u yog’idan bu yog’iga tinimsiz harakatlanayotgan raqqos va raqqosalarning jozibakor raqslarini ko’rib hayratlanasin kishi. Latofatli raqqosaning samimiy va sururli ijro etadigan raqslari odamni ichidagi tuyg’ularini jumbushga soladi.  O’zbekiston madaniyati taraqqiyotida raqs san’atining o’rni bo’lakcha. O’zbek raqs madaniyatida asosan uch yo’nalish mavjud. An’anaviy raqs, xalq sahnaviy raqsi va balet san’ati. Raqs ustalari, baletmeysterlar, ansambllarning rahbarlari raqs uslublarining o’ziga xosligini, estetik xususiyatlarini to’la saqlashga harakat qilib kelishgan.  O’zbek xalqi juda ham boy raqs san’ati merosiga ega. Bu san’at turi yozma ravishda o’z davrining mohir ustalari tomonidan qayd etilmaganligi bois unitilib ketilishi mumkin edi. Lekin ular xozirda raqs asoschilari tomonidan qayta rivojlantira borilmoqda. Bu davr ichida yuzlab mohir raqqosalar va baletmeysterlar, pedagoglar yetishib chiqdilar va ular raqs yaratish usullarini yaratdilar. Bu ishda kattagina tajriba to’plandi. Bugungi kunda ayni o’sha tajriba o’chog’i sifatida Toshkent Davlat Milliy Raqs va Xoreografiya Oliy Maktabini gavdalantirishimiz mumkin. Negaki yuzlab minglab raqs ustalari yetuk mutaxassislar, pedagoglarni yetishtirib chiqarayotgan ilm koshonasidir. 5-10 daqiqa dovomida taralayotgan kuyga jon- jaxtini qalb qo’rini baxshida aylab viqor bilan xirom aylayotgan raqqosu raqqosalar raqslarni saxnalashtirgan baletmeysterlar mexnati kimlargadir ma’lumu yana boshqalarga noma’lum bo’lib qoladi. Raqs dillarga xushkayfiat baxsh etadi tomoshabin bundan faqatgina zavqlanib qolaveradi.  zaxmatkash pedagog va baletmeysterlar mexnatlari sahna ortida hamkasblar tomonidan tahlil qilinadi yoxud tanqidga uchraydi  va albatta maqtovlarga burkanishi mumkin. Bugungi kunda ustozlar faoliyatini izchil davom ettirib bardavomiyligini ta’minlab o’z ustida ishlab borayotgan yigitu- qizlarimiz talaygina. Qadimiy o’chmas tarixga ega bo’lgan buyuk e’tirofga loyiq bo’lgan 50dan ortiq raqslarimizni yosh ijodkor ijrochilarimiz qunt bilan dildan o’rganishmoqda. O’ylaymizki bunday intiluvchi iqtidor va iste’dod soxib hamda soxibalarimiz ichidan yetuk malakali kadrlar, o’z kasbining ustalari, prafissional raqqos va raqqosalar chiqadi. Bu yo’lda ularga doimo omad tilab qolamiz.

ZARINA AMANTURDIYEVA.

TOSHKENT DAVLAT MILLIY RAQS

 va XOREOGRAFIYA OLIY MAKTABINING

SAN’ATSHUNOSLIK yo’nalishi talabasi