Сўзларда жамланган ёруғ йўл……

Ўзбекистон мустакилликка эришганига 26 йил бўлади. Мустақиллик куни Ватанимиз тарихида, халқимиз хаётида абадий муҳрланиб қолган қутлуғ сана.

Биринчи Президентимиз айтганларидек бугунги кунда «Юртимизда туғилган, энди 5 ёшга тўлган болалар ҳам «Мен - Ўзбекистон фуқаросиман!» деб, фахрланиб, ғурурланиб гапиради. Кимки мамлакатимизга келса, бу хақиқатнинг тасдиғини хар қадамда кўриши мумкин. Лекин бундай даражага эришиш хар кайси халқнинг ўзига, унинг ҳаракатига боғлиқ. Буни тушуниш керак. Тушуниш учун эса одам шундай ғоя билан, яъни мустақиллик ғояси билан, ғурур-ифтихор билан яшаши керак.». Дарҳақиқат ҳаётни билиш, биз қайси асрда яшаётганимизни англаш - бу ҳаммамизнинг бурчимиз.буни Ислом Каримов ҳар бир инсон қалбига жойлай олди. Шунинг учун ҳам аҳоли юртимиз кундан кун ободлашиб бораётганлигини кўриб ғурур туймусини қалбдан ҳис қила олади. Зеро, Ўзбекистон жаннатнинг ердаги тимоли эканлигини ҳар бир ўзбекистонлик билади. Бундай жаннатмакон заинни барпо қилишда тамал тошини айнан Биринчи Президентимиз қўйганлиги эса  фаxр уйғотади.

Ерда яшайдиган одамнинг ҳаёти шу замин, мана шу тупроқ билан боғлиқ бўлиши керак, у шу тупрокни кўзига суриб, унинг эртанги кунини янада обод қилишга ҳаракат қилиб яшаши зарур.  Зеро ўтган  йўлимизга назар ташласак, кечаги кунни эсламайдиган, додларини, боболарини ёдга олмайдиган одамнинг ўзи йўқ. Дунё тарихида қудратли салтанат яратган соҳибкирон Амир Темур бобомиз, ўз ақл-заковати, улкан илмий салоҳияти билан жаҳон тамаддунига беқиёс ҳисса қўшган буюк алломаларимиз, азиз-авлиёларимиз билан ким фахрланмайди дейсиз? Бу ҳақида Биринчи Президентимиз:  «Биз кўпинча бу борада ҳам камтарлик қиламиз. Лекин менинг тилагим, истагим шуки, бу ҳакда кўпроқ гапириш, меросимизни кўпроқ ва чукуррок ўрганиш керак. Буюк аждодларимизни, ота-боболаримизни эслаш дегани - бу ўзимизга тан бериш деганидир. Мен ана шундай фикрдаман. Узимизга тан берадиган бўлсак, авваламбор, биздан олдин ўтган аждодларимизга тан берайлик. Улар қандай инсонлар эди, қандай ҳаёт кечирган, ўзидан кандай ном қолдирган эди, деган саволлар ҳакида ўйлаш лозим. Шу ўринда доғистонлик машҳур шоир Расул Ҳамзатовнинг, агар сен ўзингдан олдин ўтганларни милтиқ билан отадиган бўлсанг, авлодларинг сени замбаракдан ўққа тутади,-деган мазмундаги фикри ёдимга тушди. Бу гапда ҳақиқатан ҳам чукур маъно бор.» деган эдилар. Бу сўзлар билан ҳар бир ўзбек ўз ўтмишини билса, ўзлигини англаган бўлишлигини бот бот таъкидлаганлар. Айтиш керакки, ўзликни англаш ўз тарихимизни, минг-минг йиллик анъаналаримизни билиш деганидир. Агарки ҳар қайси одам кечаги кунни яхши биладиган бўлса, ҳеч қачон аввалги хатосини яна такрорламайди. Шундай экан Биринчи Президентимиз келажакгимиз учун айтиб кетган сўзлари бугун бизга ул зот ёнимизда бўлмаса йўлбошчи бўлиб ҳизмат қилмоқда.

Мастура Ҳамроева