Xalqdan kuch olgan inson jasorati

Olisga emas bor yog’i  yigirma besh yil oldinga qaralsa mamlakatimizda amalga oshirilgan ulkan ishlar, tarixiy o‘zgarishlarning tashabbuskori va rahnamosining dunyo sahnasiga katta kuch xalq kuchi bilan chiqqani unutib bo’lmaydi. Bobolarimiz o’sha kezlarni hotirlaganda O‘zbekiston mustaqilligining asoschisi, mamlakat mustaqil taraqqiyot dasturini ishlab chiqqan va milliy taraqqiyot yo‘lini belgilab bergan Islom Karimov jasoratini eslashadi.

Xalqaro mezonlarga to‘la javob beradigan O‘zbekiston Respublikasi Konstitutsiyasining asosiy muallifi sifatida yurtimizda uni hayotga tatbiq etish orqali insonlarni himoya qilish kafolatlarini belgilab berdi. Xalqning o‘ziga xos xususiyatlari hamda ilg‘or jahon tajribalarini mujassamlashtirgan iqtisodiy islohotlarning yangi modelini ishlab chiqdi. Bu rivojlanish yo‘li iqtisodiyotning siyosatdan ustunligi, qonun ustuvorligi, o‘tish davrida davlatning boshqaruvchilik roli, islohotlarni bosqichma-bosqich amalga oshirish, kuchli ijtimoiy himoya kabi mashhur besh tamoyilni o‘z ichiga oladi va u dunyoda "O‘zbek modeli" deb e’tirof etildi. Dunyo uni tan oldi. Aholini uylab O‘zbekistonning hududiy yaxlitligini, sarhadlarimiz daxlsizligini himoya qilishga qodir Qurolli Kuchlar, Chegara va Ichki qo‘shinlarni zamonaviy islohotlar asosida tashkil etdi.

Quvonarlisi esa asrlar davomida shakllanib kelgan an’analarimizni tikladilar. Sobiq ittifoq davrida ko’milgan  milliy urf odatlarimizga, xalqimiz ma’naviy qadriyatlariga hurmat-ehtirom bilan munosabatda bo‘lish, asrab-avaylash va rivojlantirish, muqaddas dinimizni, bebaho tarixiy merosimizni hayotga qaytarishni davlat siyosati darajasiga ko‘tardilar. Xalqaro maydonda O‘zbekistonning obro‘-e’tiborini yuksaltirish, o‘zbek nomini butun dunyoga tarannum etishga ulkan hissa qo`shdilar. Eng asosiysi yurtimizda tinchlik-osoyishtalikni, millatlar va fuqarolar o‘rtasida totuvlik va hamjihatlikni qaror toptirish, uni saqlash hamda mustahkamlashga beqiyos hissa qo‘shdi. Yurtimizning turar joylarida yangi qurilishlar, shu jumladan, ulug‘ ajdodlarimizning qadamjolarini obod qilish, iqtisodimizning salohiyatini oshirishda katta o‘rin tutgan yirik-yirik korxonalarni bunyod etishda, ko‘pgina shahar va qishloqlarimiz shakl-qiyofasining tubdan o‘zgarishida bevosita rahbarlik qildi.

Bugun yurtimni jamoliga qarar ekanman Birinchi Prezidentimiz qilgan ishlar har bir qadamda, har bir joyda insonlarning quvonch to’lako’zlarida barq urib turadi. Bizning mustaqil davlatimizni nurli yo’lga chiqargan, obod qilgan bobomiz o’sib kelayotgan har bir farzandlari qalbida o’chmas iz qoldirgan.

Mastura Xamroyeva