Ёшларни  ҳарбий Ватанпарварлик руҳида тарбиялаш муҳим

 

Жануби-Ғарбий махсус ҳарбий округ тасарруфидаги Какайди гарнизонида жойлашган ҳарбий қисмда ёшларни ҳарбий Ватанпарварлик руҳида тарбиялаш, уларда ватанга бўлган садоқатини ошириш шунингдек ёшларни ҳарбий соҳага қизиқтириш юзасида «Раҳбар ва ёшлар учрашуви» бўлиб ўтди.

Тадбирга Жануби-Ғарбий махсус ҳарбий округ қўмондонлиги раҳбарияти ва Жарқўрғон туманидаги туртта сектордан 600 нафар оталиққа олинган ёшлар иштирок этди

Шу куни ушбу тадбирда Ёшларни онгида ватанпарварлик туйғуларини шакллантириш мақсадида ҳарбий қисмда ОЧИҚ ЭШИКЛАР КУНИ ҳам ўтказилди. Тадбирга Жарқўрғон тумани ўқувчи ёшлардан 700 нафардан ортиқ қатнашди.

Шунингдек, Ҳарбий қисмда Ватанпарварлик ойлиги доирасида Жарқўрғон туманидаги 62 та умум таълим муассасалари ўртасида «Ҳарбий ватанпарварлик спорт мусобақалари» ўтказилди.

Тадбирга Жарқўрғон туманидаги 62 та таълим муассасаларидан келган спорчи гуруҳлар туман биринчилиги учун баҳслашишди.

Тадбир давомида ёшларни маънавий озуқа олишлари мақсадида Жарқўрғон тумани ахборот маълумот марказий кутубхонаси раҳбари томонидан «Мирзо Улуғбек хазинаси» номли асар тақдимоти ўтказилди.

Тадбир якунида Ватанпарварлик спорт мусобақаларида туман босқичи фахрли ўринларни эгаллаган таълим муассасалари жамоалари муносиб тақдирланди.