Viloyat televideniyesining ilk boshlovchisi kim ekanligini bilasizmi?

 

Surxondaryo viloyat televideniyesi. Jurnalistikaga kirib kelgan yosh borki nu maskanda ishlashni orzu qilmasa. katta jamoa shakllangan televideniyada yurtimiz mustaqilligi ilk yillarida ish boshlagan bo’lib, tajribali jurnalistlarni jamlagan tajriba maktabi bo’ldi. Ana shu tajriba maktabining vakillaridan biri Mavjuda opa Nasrullayevadir.  U viloyat televideniyesining ilk boshlovchisi va ilk jurnalisti, suxandoni ekanligini bugungi jurnalistikaga kirib kelayotgan yoshlar bilishmasa kerak.

Yoshlik kezlarim esimda televizor orqali Mavjuda opaning lavhalarini ko’rib, havas bilan shu sohaga qiziqish uyg’ongandi. Hozirda esa Jurnalistlar uyushmasi Surxondaryo viloyat bo’limida ishlab ko’plab ustozlar qatori Mavjuda opaning ham umr yo’llari va tajribalari yo’g’rilgan suxbatini olishga sazavor bo’ldim. Kuni kecha opa bilan suxbatlashar ekanman xotiralarini yodga olib:

Viloyat televideniyesidagi chiqishlarimni nafaqat Surxondaryoda balki qo’shni Tojikiston, Afg’oniston, Turkministon respublikalarining teletomoshabinlarigacha yetib borgandi.  Televideniyaga minnatdorchilik xatlari ham kelgan. Bundan juda ruxlanganman. “Ayol qalbi",   “Muqaddas ayol”, bolalar uchun "Shirintoy”, “Mening mahallam", "Oltin ostona", "Qishloq hayoti", "Tadbirkor - yurt tayanchi" "Obodlik ostonadan boshlanadi” kabi bir qator turkum ko’rsatuvlarim katta qiziqish bilan kutib olingani meni hursand qilgandi. – deydi ustoz Mavjuda opa.

Umr yo’lida televideniya mashaqqati bilan toplangan ustoz Mavjuda opa bilan suxbatlashgan har bir bo’lajak jurnalist xotiralar qaridan o’zi uchun katta tajriba maktabi sabog’ini olgandek bo’ladi albatta. Aytishim kerakki men uchun televideniya sohasida men uchun mukammal qahramon bo’lgan ustoz bilan bilan bir kun ko’rishish 12-13 yoshar qizaloqligim kezlarim  hayolimga ham kelmagan edi. Darhaqiqat  aytish kerakki ustoz mehnati va ijodi bilan yurtga tanildi. Shu bilan birga faoliyati ham yuqori baxolanib bir qator, jumladan  xotin-qizlar ijodkorlar o’rtasida o’tkazilgan respublika “Atirgul"ko’rik-tanlovida go’lib deb topildi.  Shuningdek  "Eng ulug, eng aziz",   tanlovi, Tashabbus tanlovining  "Eng faol jurnalist” nominatsiyasida ham g’olib bo’ldilar.

Yaqinda esa O‘zbekiston faxriylarining ijtimoiy faoliyatini qo‘llab-quvvatlash “Nuroniy” jamg‘armasi Vasiylik kengashining 2023 yil 27 maydagi “Mehnat faxriysi” ko‘krak nishoni bilan taqdirlash to‘g‘risida”gi qaroriga muvofiq,  mamlakatimizning iqtisodiyot, ishlab chiqarish, ilm­-fan, madaniyat, taʼlim, sog‘liqni saqlash, yurisprudensiya va boshqa sohalarida ko‘p yillar davomida halol va samarali mehnat qilgan pensiya yoshidagi yurtdoshlarimizdan bir guruhi “Mehnat faxriysi” ko‘krak nishoni bilan mukofotlandi. Ular safida 5 nafar farzandning mehribon onasi, ustoz Mavjuda Nasrullayeva ham borligi bizni quvontirdi.  Suxbat baxonasida ustozing ushbu yutuq bilan ham tabriklab,  duolarini ham oldim. 

Mastura Xamrayeva

O’zJU Surxondaryo viloyat bo’limi mutaxassisi