15 та мурожаат жойида ҳал қилинди

Халқни қийнаётган муаммоларни хал қилиш учун ҳар шанба куни Термиз шаҳар ҳокими Исроил Худойбердиев сектор раҳбарлари, шаҳар халқ қабулхонаси ва барча мутасадди ташкилот раҳбарлари билан биргаликда сайёр қабул ташкил этиб келмоқда.

Бугун ҳам навбатдаги оммавий сайёр қабул ўтказилди. тадбиркорликка кредит ажратишда, уй-жой, архитектура ва кадастр масаласида 55 нафар фуқаро амалий ёрдам сўраб қилган мурожаатларнинг 15 таси жойида ўрганилиб ижобий ҳал этилди.
Қолган мурожаатлар ижобий ҳал этиш учун муддатлар белгиланиб, мутасаддиларга топшириқлар берилди ва ижроси назоратга олинди.