Hunardan zar bitgan qiz

Mehnat mehnatning tagi rohat deyishdi dono halqimiz. Bu bejiz emas. Atrofimizda shunday insonlar borki hunarni san’at darajasiga ko’tarib o’z ijodi bilan barchani lol qoldiradi. Ana shunday iste’dod egalaridan biri Surxonimning asl Barchinoyi Aziza Muhammadiyevadir.

Tabiatdan ayol, qizlarimizni nozik niholga o’xshatishadi. Shuning uchun uni asrashga harakat qilishadi. Lekin aslida esa uning kuchi oldida barcha tan berishi ayni haqiqat. Azizaning ham tinim bilamay mehnat ila yuksalayotganligi insonni havasini keltiradi. Bugun u “Aslzoda” kelin liboslari salonini yuritadi. Liboslar dizaynidan boshlab butun bir bo’lajak kelinlarimizning to’y oqshomi ko’rinishini uning uzi yaratadi. Bir birini takrorlamaydigan obrazlar qizlarning o’zini malikalardek his qilishlariga imkon bermoqda.

Bo’sh vaqtida hunarmandchilik buyumlari yasaydigan qahramonim Toshkent davlat yengil sanoat instituti liboslar dizayni fakultetini tamonlagan. 2 nafar farzandning onasi bo’lgan Aziza maqsadlarini aniq bilib ish boshlab, nafaqat o’zining balki bugun besh nafar qizlarni ish bilan ta’minlagan. Ular bo’sh vaqtini samarali ish bilan o’tkazmoqda. Shuningdek munosib izdoshlarni tayyorlash maqsadida ko’plab shogirdlariga ham hunari sirlarini o’rgatishga ham vaqt topa oladi.

Mehnatsevar qizimizning yaratgan san’at asarlaridan bugun butun viloyatimiz foydalanmoqda. Ming bor eshitgandan bir bor siz ham vaqt topib qahramonim bilan ko’rishsangiz sarflagan vaqtizga achinmaysiz

Mastura Xamroyeva