THE FASHION SHOW

Viloyatimizdagi “Yoshlar markazida  yosh dizaynerlarni qo‘llab-quvvatlash va ularning iqtidorini yuzaga chiqarish maqsadida  “THE FASHION SHOW” milliy va zamonaviy liboslar namoyishi va “Yangi nigoh” roliklar tanlovi doirasida tashkil etilgan “Kamolot press” ijtimoiy vidio roliklar taqdimoti bo’lib o’tdi

 “Kamolot” YOIH viloyat Kengashi “Faol va iqtidorli yoshlar bilan ishlash bo‘limi” hamda “Yoshlar markazi” to‘garaklari bilan hamkorlikda tashkil etilgan mazkur tadbirda  kiyinish madaniyatini san’at darajasiga ko‘tarolgan ijodkorlar Damir Inyushov, Aziza Xotamova, Latofat Toshboeva, Zarina Karajaeva, Jaylovova Durdona, Gulhayo Xulkalieva, Iroda Omonova, Nilufar Kenjaeva, Barchinoy Karimovalarning liboslar to‘mlamlari katta qiziqish bilan kutib olingan bo’lsa, jamiyatda uchrab turadigan ayrim muammoli vaziyatlarga nisbatan o‘z munosabatini aks ettirgan yoshlarimiz o’z ijtimoiy vidio roliklari taqdimoti bilan yig‘ilganlarda katta taassurotlar qoldirdi.

-Avvalo, bu tadbir yosh iqtidor sohiblarini kashf etishda muhim ahamiyat kasb etadi,- deydi biz bilan suhbatda Kamolot” YOIH viloyat Kengashi “Faol va iqtidorli yoshlar bilan ishlash bo‘limi” boshlig‘i Feruz Qodirov. –Yosh dizaynerlarimiz uzoq vaqt davomida tayyorgarlik ko‘rishdi. Bugungidek tarixi ming yilliklarga tutash qadriyatlarimiz, urf-odatlarimiz va kiyinish madaniyatimizga “ommaviy madaniyat” soya tashlashga intilayotgan bir vaqtda ijodkordarimiz tomonidan yaratilgan liboslar to‘mlami ayni muddao bo‘ldi. Muhimi, yoshlarimiz bugungi tadbir bilan to‘xtab qolishmaydi. O‘ylaymanki, bugungi liboslar namoyishi ularga katta sahnalarga chiqish uchun zamin vazifasini o‘taydi.

Tadbir yakunida faol ishtirok etgan bir guruh yosh dizaynerlar va vidio roliklar mualliflari tashkilotchilarning esdalik sovg‘alari, tashakkurnomalari bilan taqdirlanishdi.

Mastura