Ota-onalar va vasiylar ВПЧ  vaksinasi to‘g‘risidagi guvohnomani ko‘rishlari mumkinmi?

Bolaning ota-onasi yoki vasiylari emlashdan oldin Gardasil vaksinasi sertifikati bilan tanishishlari mumkin. Barcha uchta ВПЧ ga qarshi vaktsina JSST tomonidan sertifikatlangan.

O‘zbekistonda fuqarolarni tibbiy muolajalarga, shu jumladan muntazam emlashlarga majburlash yo‘q. Majburlash Konstitutsiya va fuqarolarning sog‘lig‘ini himoya qilish to‘g‘risidagi qonunga ziddir.

Fuqarolar davolovchi shifokorning fikrini inobatga olgan holda, ularning sog‘lig‘i to‘g‘risida oqilona qarorlar qabul qilishlari kerak. Bolani qizamiqdan himoya qilish bu qizamiqqa qarshi emlash, qizlarni bachadon bo‘yni saratonidan himoya qilish bu ВПЧ  vaktsinasini qo‘llashdir. Agar ota-onalar bolalarni emlamaslikka qaror qilsalar, bu huquq ular uchun qonun tomonidan saqlanib qolgan va hech bir tibbiyot xodimi emlashni majburiy qilishga haqli emas.

JSST tavsiyalariga ko‘ra, barqaror immunitet paydo bo‘lishi uchun 14 yoshgacha bo‘lgan bolalar emlashning ikkinchi dozasini birinchi emlashdan olti oy o‘tgach, ikki marta ВПЧ  vaksinasini olishlari kerak. 12 oygacha bo‘lgan dozalar orasidagi intervalga ruxsat beriladi.

14 yoshdan oshgan bolalar emlashning uch dozasini olishlari kerak. Ikkinchi doza birinchi dozadan ikki oy o‘tgach, uchinchi doza birinchi dozadan olti oy o‘tgach emlanadi.

Ba’zi odamlar, shuningdek, emlashdan keyingi birinchi kun davomida bosh og‘rig‘i, yengil isitma, muskul yoki mushaklarda og‘riq yoki vaqtincha ko‘ngil aynishni his qiladilar. Ushbu mahalliy reaksiyalar yoki yon ta’sir odatda bir kundan ortiq davom etadi va zararsizdir.

Ba’zida, tashvish, stress yoki ukol qilish qo‘rquvi tufayli, o‘spirin emlash paytida yoki undan keyin darhol hushidan ketishi mumkin. Bu ko‘pincha bolalar yoki yoshlar vaksinalarni umumiy guruhda, masalan, maktabda olganda ro‘y beradi. Ushbu reaksiya emlashning o‘zi bilan emas, balki stress va tashvish bilan bog‘liq.

Har qanday turdagi vaksinani qabul qilgan taxminan million odamdan birida kuchli allergik reaksiya — anafilaktik shok yuzaga kelishi mumkin. Shuning uchun, ehtiyot chorasi sifatida, vaksinani qabul qilgan kishi emlashdan keyin 15 minut davomida tibbiy nazoratda qolishi kerak. Agar u emlashdan so‘ng darhol bosh aylanishi yoki eshitish yoki ko‘rishning biron bir o‘zgarishini sezsa, u tibbiy xodimni xabardor qilishi kerak.

Dilafro'z Igamuratova