SILNI YENGISHDA: Profilaktik choralar

Sil kasalligi haqida barchamiz bilamiz. Lekin aholi orasida ba’zan noto’g’ri tushunchalarning paydo bo’lganligi sil bilan chalingan insonlarga nisbatan munosabatni o’zgartirmoqda. Bu esa achinarli va o’g’riqli muammo. Shu uchun ham yana o’sha sil kasaligi mavzusiga qaytdim.

Odatda silning namoyon bo’lishi asta-sekin sodir bo’ladi. Sil kasalligining boshlanishida alomatlar bo’lmaydi. Kasallikning birinchi bosqichida asosan patogen organizmlar rivojlanadi va ko’payadi va hech qanday klinik belgilar yuzaga kelmaydi. Juda uzoq vaqt davomida patogen bakteriyalar organizmda o’zini namoyon qilmaydi, ko’pincha o’pka to’qimalarida rivojlanadi va ko’payadi.

Kasallik ikkilamchi bosqichga o’tganda, patogen bakteriyalar tez ko’payadi va tananing boshqa a’zolariga tarqaladi. Bu holatda o’limga olib keladigan jiddiy jarohatlar va kasalliklar yuzaga keladi. Kasallikning bu bosqichida odatda sigaret chekadigan odamlar ushbu belgini «chekuvchining yo’tali» belgilariga yo’yishadi va adashtiradi.